भारतले टस जित्यो, पाकिस्तानले पहिला ब्याटिंग गर्ने
काठमाडौँ । एशिया कप अन्तर्गत भारत र पाकिस्तानबीचको बहुप्रतिक्षित टी-२० क्रिकेट प्रतियोगिता केहीबेरमा शुरु हुदै छ ।
क्रिकेटका सबै भन्दा ठुला प्रतिद्वन्दी १० महिना पछि आमने सामने हुदै छन् । यस अघि टी-२० विश्वकपमा पाकिस्तानले भारतलाई पराजित गरेको थियो ।
आजको खेलमा भारतका कप्तान रोहित शर्माले टस जितेर पहिला बलिङ गर्ने निर्णय गरेका छन् । भारतीय टिममा ऋषव पन्तको ठाउमा दिनेश कार्तिकलाई समावेश गरिएको छ । भारतीय टिममा रोहित शर्मा (कप्तान), केएल राहुल, विराट कोहली, सूर्यकुमार यादव, दिनेश कार्तिक, हार्दिक पाण्डेय, युजवेन्द्र चहल, रविन्द्र जड़ेजा, भुवनेश्वर कुमार, अभेश खान र अर्शदीप सिंह रहेका छन् ।
त्यस्तै पाकिस्तानको टिममा बाबर आजम (कप्तान), मोहमद रिजवान, फखर जमान, इफ्तिखार अहमद, खुस्दिल शाह, आसिफ अलि, मोहमद नवाज, षडाब खान, नसीम शाह, हरिस राउफ र शनावज दहानी रहेका छन् ।
