पिएसजीलाई नेइमारले हारबाट जोगाए

काठमाडौँ । फ्रेन्च लिग वान अन्तर्गत पिएसजी बराबरीमा रोकिएको छ । गएराती सम्पन्न खेलमा पिएसजी मोनाकोसँग १-१ गोलको बराबरीमा रोकिएको हो ।

१-० गोल अन्तरले पछि परेको पिएसजीलाई नेइमारले खेलको ७०औ मिनेटमा पेनाल्टीमार्फत गोल गर्दै हारबाट बचाएका थिए । नेइमारको यस सिजनमा पिएसजीका लागि ५ खेलमा यो आठौ गोल हो । त्यस्तै लिग वानमा भने उनको चौथो खेलमा यो छैटौं गोल हो ।

यस अघि खेलको २०औं मिनेटमा केभिन भोलाण्डले गोल गर्दै मोनाकोलाई शुरुवाती अग्रता दिलाएका थिए ।

यो बराबरीपछि पिएसजीको ४ खेलमा १० अंक भएको छ । त्यस्तै मोनाकोको भने ४ खेलमा ५ अंक छ ।