साउथहम्पटनसँग चेल्सी स्तब्ध

काठमाडौँ । इङलिश प्रिमियर लिग अन्तर्गत साउथहम्पटनले चेल्सीलाई पराजित गरेको छ । गएराती सम्पन्न खेलमा साउथहम्पटनले चेल्सीलाई २-१ गोल अन्तरले पराजित गरेको हो ।

साउथहम्पटनको जितमा रोमेओ लाभिया र एडम आर्म्सट्रोङले एक एक गोल गरेका थिए । त्यस्तै चेल्सीका लागि एक गोल रहिम स्टरलिङले गरेका थिए ।

साउथहम्पटनको यस सिजनमा यो दोस्रो जित हो । यो जितपछि साउथहम्पटनको ५ खेलमा २ जित, १ बराबरी र २ हारसँगै ७ अंक भएको छ ।

त्यसैगरी चेल्सीको यो यस सिजनमा दोस्रो हार हो । चेल्सीको पनि ५ खेलमा ७ अंक रहेको छ ।

त्यस्तै गएराती भएका अन्य खेलमा क्रिस्टल प्यालेस र ब्रेंटफोर्ड १-१ गोलको बराबरी खेलेका छन् भने लिड्स युनाइटेड र एभर्टनपनि १-१ गोलको बरारी खेलेका छन् ।

त्यस्तै फुलह्यामले ब्राइटनलाई २-१ गोल अन्तरले पराजित गरेको छ ।