काठमाडौँ- ४ बाट नै उम्मेदवार बन्ने तयारीमा छु- गगन थापा

काठमाडौँ । नेपाली काँग्रेसका महामन्त्री गगन थापाले आफु काठमाडौँको क्षेत्र नम्बर ४ बाट नै उम्मेदवार बन्ने स्पष्ट गरेका छन् ।

महामन्त्री थापालाई कास्की क्षेत्र नम्बर १ बाट उम्मेदवार बन्न सिफारिस गरेपछि सामाजिक सञ्जालमार्फत आफु काठमाडौँ -४ बाट नै उम्मेदवार बन्ने तयारी गरिरहेको बताएका हुन् ।

उनले भनेका छन्-    

कास्की क्षेत्र नं. १ मा पार्टीका साथीहरूले स्नेहपूर्वक चाहना राखेर प्रतिनिधिसभा सदस्य उम्मेदवारका लागि मेरो पनि नाम प्रस्तुत गर्नुभएकोमा त्यो सद्भावका लागि धन्यवाद ! मैले काठमाडौँ क्षेत्र नं.४ बाट नै मेरो उम्मेदवारीको तयारी गरिरहेको छु र स्वाभाविक रूपमा म उम्मेदवार हुने यहीँबाट हो ।