फिलिपिन्समा कोरोना सङ्क्रमणबाट ५० जनाको मृत्यु

मनिला । फिलिपिन्समा बुधबार थप ३, ७६७ जनामा कोरोना सङ्क्रमण पुष्टि भएको छ ।  

योसँगै सङ्क्रमितको  कुल संख्या  ३, ८८३, ९५७  पुगेको छ ।

यहाँको स्वास्थ्य विभागले  दिएको जानकारी अनुसार सक्रिय  सङ्क्रमितको सङ्ख्या २२, २५९  पुगेको छ  ।

त्यसैगरी  सङ्क्रमणको जटिलताबाट थप  एकै दिनमा ५० जना बिरामीको मृत्यु भएको छ । योसँगै  मृत्यु हुनेको सङ्ख्या ६१, ८६४ पुगेको छ ।

करिब ११ करोड  जनसङ्ख्या भएको  फिलिपिन्समा ७ करोड २५ लाखभन्दा बढी मानिसहरूलाई कोरोना विरुद्धको पूर्ण मात्राको खोप लगाइएको छ ।