प्रिमियर लिगमा फर्किए आउबामेयाङ

काठमाडौँ  । पिएरे एमरिक आउबामेयाङ प्रिमियर लिगमा फर्किएका छन् ।

आर्सनल छोडेर २०२१ मा बार्सिलोना गएका ३३ बर्षिय आउबामेयाङ प्रिमियर लिग क्लब चेल्सीमा आएका हुन् । यस सिजनको खेलाडी ट्रान्सफरको अन्तिम दिन चेल्सीले उनलाई १२ मिलियन डलर तिरेर भित्र्याएको छ ।

चेल्सीले उनलाई दुई बर्षका लागि किनेको हो । त्यस्तै चेल्सीका खेलाडी मार्कोस अलोन्सोले चेल्सीसँगको सम्झौता तोडेर फ्री-ट्रान्सफरमा बार्सिलोना गएका छन् ।

यस अघि बोरुसिया डोर्टमण्डमा प्रशिक्षक थोमस टुचेलको अन्डरमा खेलेका आउबामेयाङले चेल्सीमा फेरी टुचेलसँग पुनर्मिलन गरेका छन् ।

उनले यस अघि आर्सनलमा पाँच सिजनमा १६३ खेलमा ९२ गोल गरेका थिए भने बार्सिलोनामा २४ खेल खेल्दै १३ गोल गरेका थिए ।