फुलह्याममाथि टोटनह्यामको जित

काठमाडौँ । इङलिश प्रिमियर लिग अन्तर्गत टोटनह्यामले फुलह्यामलाई पराजित गरेको छ । शनिबार राति सम्पन्न खेलमा टोटनह्यामले फुलह्यामलाई २-१ गोल अन्तरले पराजित गरेको हो ।

टोटनह्यामको जितमा पिएरे एमिले होजजेर्ग र ह्यारी केनले एक एक गोल गरेका थिए । त्यस्तै फुलह्यामका लागि अलेक्जेन्डर मित्रोभिक्ले एक गोल गरेका थिए ।

ह्यारी केनले यस खेलमा गोल गरेसँगै उनी प्रिमियर लिगमा अल टाइम उच्च गोलकर्ताको सूचीमा तेस्रो स्थानमा उक्लिएका छन् । यस सूचीमा एलन शीरएर २६० गोलसहित शिर्ष स्थानमा छन् भने वाइन रूनी २०८ गोलसहित दोस्रो र केन १८८ गोलसहित तेस्रो स्थानमा रहेका छन् ।  

यो जितपछि टोटनह्यामको ६ खेलमा ४ जित र २ बराबरीसहित १४ अंक भएको छ ।

त्यस्तै फुलह्यामको ६ खेलमा ८ अंक रहेको छ ।