पिएसजीको जितमा एम्बाप्पेको दुई गोल

काठमाडौँ । फ्रेन्च लिग वान अन्तर्गत पिएसजीले नान्तेजमाथि सहज जित हासिल गरेको छ । गएराती सम्पन्न खेलमा पिएसजीले नान्तेजलाई ३-० गोल अन्तरले पराजित गरेको हो ।

पिएसजीको जितमा किलियन एम्बाप्पेले २ गोल गरेका थिए भने नुनो मेन्डेजले एक गोल गरेका थिए । एम्बाप्पेका दुवै गोल लियोनेल मेसीले असिस्ट गरेका थिए ।

यस खेलमा फाबिओले खेलको २४औँ मिनेटमा रातो कार्ड पाएपछि नान्तेज १० खेलाडीमा सिमित भएको थियो ।

यो जितपछि पिएसजीको ६ खेलमा १६ अंक भएको छ र लिगको शिर्ष स्थानमा रहेको छ । त्यस्तै नान्तेजको भने ६ खेलमा ६ अंक रहेको छ र लिगमा १०औं स्थानमा रहेको छ ।