काठमाडौं- काठमाडौं- नाबालिग बलात्कार आरोप लागेका राष्ट्रिय क्रिकेट टिमका कप्तान सन्दीप लामिछाने आज नेपाल फर्किंदै छन्। आफूमाथि आरोप लागेपछि अनुसन्धानलाई सहयोग गर्न उनी नेपाल आउन लागेका हुन्।

जिल्ला प्रहरी परिसर काठमाडौंका अनुसार प्रहरीलाई सन्दीप नेपाल आउँने बारे कुनै जानकारी नभएको तर पक्राउ पूर्जी जारी भइसकेकाले जहाँ भेट्यो त्यहींबाट पक्राउ गर्ने प्रहरीले जनाएको छ। साथै एयरपोर्टमा निगरानि पनि राखिएको एसएसपी भरत बोहोराले बताएका छन्। ‘हामीलाई सन्दीप नेपाल आउनेबारे जानकारी छैन। पक्राउ पूर्जी जारी भइसकेको छ। जहाँ भेट्यो त्यहींबाट पक्राउ गर्छौं। एयरपोर्टमा निगरानी बढाएका छौं,’ उनले भने।