काठमाडौं । काठमाडौं महानगरपालिकाले सोह्रखुट्टे चोक, नयाँ बजार क्षेत्रमा अनधिकृत संरचना हटाउन थालेको छ । नगर प्रहरी प्रमुख राजुनाथ पाण्डेको अगुवाइमा अनधिकृत संरचना निर्माण गरेर सञ्चालन गरिएका संरचनाहरु महानगरले हटाएको छ ।

अनधिकृत संरचना हटाउन पटक-पटक अनुरोध गरेता पनि अटेर गरेको भन्दै डोजर चलाउन बाध्य भएको महानगर नगर प्रहरीले जानकारी दिएको छ ।

अतिक्रमण गरी सञ्चालन भएका फुटपाथ र नक्सा विपरीतको बेसमेन्ट हटाउन डोजर चलाइएको हो।महानगरले अनधिकृत संरचना, नक्सा विपरीत प्रयोग भएका बेसमेन्ट, मापदण्ड विपरीत राखिएका होर्डिङ बोर्डहरु हटाउँदै आएको छ ।