ताप्लेजुङ । ताप्लेजुङको मैवाखोला गाउँपालिकामा ट्याक्टर दुर्घटनामा परी चार जनाको ज्यान गएको छ । तेल्लाबुङबाट मैवाखोला गाउँपालिका–५ जाने क्रममा ५६५५ नम्बरको ट्याक्टर दुर्घटनामा परेको हो ।

दुर्घटनामा परी गाडी साहु र चालक समेत रहेका मैवाखोला गाउँपालिका–५ काम्साङ बस्ने ३१ वर्षीय पासाङ शेर्पा, निजका सहोदर भाइ २४ वर्षीय फुर्वा शेर्पा, मैवाखोला गाउँपालिका–४ ओदक बस्ने पासाङ छेटु शेर्पाका छोरीद्धय १७ वर्षीया छोरी लाकी शेर्पा र २२ वर्षीया शर्मिला शेर्पाको मृत्यु भएको जिल्ला प्रहरी कार्यालय ताप्लेजुङका प्रमुख (डिएसपी) कैलाश राईले जानकारी दिए । घटनाको विस्तृत विवरण संकलन भइरहेकोे प्रहरीले जनाएको छ ।