काठमाडौं । एलन मस्क ट्वीटरको मालिक बनेका छन् । मस्कले स्वामित्व लिएसँगै ट्वीटरका प्रमुख कार्यकारी अधिकृत (सीईओ) लगायत माथिल्लो तहका कर्मचारी बाहिरिएका छन् ।

मस्क मालिक बनेसँगै ट्वीटरको केन्द्रीय कार्यालयका उच्च अधिकारीहरू सीईओ पराग अग्रवाल, चिफ फाइनान्स अफिसर नेड सेगल, लिगल एन्ड पोलिसी एक्जुकेटिभ विजय गाडे र सल्लाहकार सिन एजेड बाहिरिएको न्युयोर्क टाइम्सले जनाएको छ । मस्कले ४४ अर्ब अमेरिकी डलरमा ट्विटर किन्ने सम्झौता गरेका थिए ।

सीईओलगायतका कर्मचारी आफैंले राजीनामा दिएर बाहिरिएका हुन् वा मस्कले ‘फायर’ गरेका हुन् भन्ने खुलेको छैन । केही समय अगाडि मात्रै मस्क र अग्रवालले एकअर्कालाई आलोचना गरेका थिए ।