राष्ट्रियसभाको चार विषयगत समितिका सभापति निर्बिरोध

काठमाडौँ । राष्ट्रिय सभाको चार वटा विषयगत समितिका सभापतिको निर्वाचनका लागि एक एक जना सांसदको उम्मेदवारी परेको छ ।

चारै समितिमा एक एक जनाको मात्र उम्मेदवारी परेकाले चारै समितिको सभापति निर्बिरोध भएका छन् ।

राष्ट्रिय सभा अध्यक्षको सचिवालयका अनुसार राष्ट्रिय सभा नियमावली, २०७५ को नियम १५० को उपनियम (१) बमोजिम राष्ट्रिय सभाअन्तर्गत गठित चार वटा विषयगत समितिका सभापतिको निर्वाचनका लागि ४ जना माननीय सदस्यहरूको उम्मेदवारी परेको हो ।

जसमा दिगो विकास तथा सुशासन समितिको सभापतिका लागि प्रकाश पन्थको उम्मेदवारी परेको छ भने विधायन व्यवस्थापन समितिमा डा. बेदुराम भुसालको उम्मेदवारी परेको छ । त्यस्तै प्रत्यायोजित व्यवस्थापन तथा सरकारी आश्वासन समितिको सभापतिका लागि मायाप्रसाद शर्मा र राष्ट्रिय सरोकार तथा समन्वय समितिको सभापतिका लागि दिल कुमारी रावल थापा (पार्वती) को उम्मेदवारी परेको छ ।