एक जनाले साढे १८ हजारसम्म साट्न पाउने
३१ भाद्र २०७९, शुक्रबार
काठमाडौं । असोज २ गते आइतबारबाट काठमाडौं उपत्यकाभित्रका इजाजत प्राप्त ‘क’ वर्गका बाणिज्य बैंकहरुले पनि दशैंका लागि नयाँ नोट सटही गरिदिने भएको छन् ।
नयाँ नोट सटही गर्न सहज होस् भनेर यसवर्ष सम्पूणर् वाणिज्य बैंकहरुलाई नयाँ नोट उपलब्ध गरिसकिएको नेपाल राष्ट्र बैंकले जनाएको छ । राष्ट्र बैंकले सबै ‘क’ वर्गका बाणिज्य बैंकलाई काठमाडौं उपत्यका भित्रका तोकिएका शाखाबाट कार्यालयहरु मार्फत नयाँ नोट सटहीको व्यवस्था मिलाउन समेत भनेको छ ।
राष्ट्र बैंकका अनुसार रु. ५, १०, २०, ५० र १०० दरको प्रति व्यक्ति बढीमा एक/एक प्याकेटका दरले बढीमा साढे १८ हजार रुपैयाँसम्मको सटही सुविधा गराइने छ । सर्वसाधरणलाई नयाँ नोट सटहीको लागि काठमाडौं उपत्यकाभित्रका कम्तीमा ५ वटा शाखा कार्यालयहरु तोकी आफ्नो वेबसाइटमार्फत सूचना दिन पनि राष्ट्र बैंकले बाणिज्य बैंकहरुलाई भनेको छ ।
